5.
Isertitat akileraarutaasussat pillugit kisitsisit
Isertitat
akileraarutaasussat nalunaarsuiffiat isertitat nalunaarsuiffiini piffissami
sivisunerusumi nalunaarsuutinik imaqarpoq. Taamaattumik oqaluttuarisaaneq
eqqarsaatigalugu soqutiginaateqarluni. Piffissap ingerlanerani
akileraartarnermut inatsimmi allannguutit, ilusilersornera naatsorsuinermilu
periaaseq isertitat akileraarutaasussat nalunaarsuutaanni tunngaviliisuupput,
taamaattoq naatsorsuilluni periaaseq atorneqartoq nassuiaanermi
eqqumaffigineqassaaq.
Titartagaq
5.1. malillugu 2024-mi isertitat akileraarutaasussat tamakkerlutik 14,4
mia.kr-nik annertussuseqarput, isertitaniilli akileraarut 4,8 mia.kr.-nik
annertussuseqarluni. 1990-ikkulli qeqqanni iserititat akileraarutaasussat
isertitanit akileraarutit assigalugit qaffakkiartuaarusaarsimapput.
Titartagaq 5.1 Isertitat akileraarutaasussat aamma isertitanit akileraarutit. 1988-2024
Najoqqutaq: https://bank.stat.gl/INNSS101
2024-mi isertitat akileraarutaasussat ukiup siulianut naleqqiullugit 330 mio.kr.-nik qaffassimapput. Qaffariaat 2,3 pct.-inik annertussuseqarluni.
Titartagaq 5.2 Isertitat tamakkiisut akileraarutaasussallu ineriartornerat 1989-2024
Malugiuk:
Kisitsisit 2023-meersut aamma 2024-meersut kisitsisaagallarput.
Najoqqutaq: https://bank.stat.gl/INNSS101
Titartagaq
5.3 malillugu kommunini tamani Kommuneqarfik Sermersuumi isertitat
akileraarutaasussat isertitaniilli akileraarutit tamakkiisut annertuumik
qaffasinnerupput. 2024-mi nuna tamakkerlugu isertitat akileraarutaasussat 51,3
pct.-ii Kommuneqarfik Sermersuumiipput, nunalu tamakkerlugu isertitanit
akileraarutit 52,3 pct.-ii aamma tassaniillutik.
Titartagaq 5.3 Isertitat akileraarutaasussat isertitaniillu akileraarutit, kommuninut agguaallugit. 2024
Najoqqutaq: https://bank.stat.gl/INNSS101
Piffissami
1988-imiit 2024-mut Kisitsisaataasivimmi isertitat akileraarutaasussat
isertitaniillu akileraarutit pillugit paasissutissat nassaarineqarsinnaapput.